١٠ حاجات لازم تعرفوها عن اختبار الكورونا قبل السفر.
اهم ١٠ حاجات لازم تعرفوها عن اختبار الPCR قبل السفر.
اغلب دول العالم دلوقتي بتطلب عمل اختبار كشف الكورونا PCR قبل السفر،
١- يوجد معامل كتير خاصة وحكومية مرخصة انها تعمل كشف ال PCR واسعارهم متفاوتة جدا. الخدمة السوبر لوكس مثلا زي المعمولة Drive Through عند ال AUC او خدمة حكومية في معامل الدولة زي المعامل المركزية في وسط البلد في ١٩ شارع الشيخ ريحان.
٢- تكلفة الخدمات السوبر لوكس حوالي ٢٥٠٠ جنية، زي ال Drive Through، حيث انك بتعمله وانت في العربية، بدون اختلاط بناس تانية، بينما ارخص تحليل في المعامل المركزية ب١٠٥٠ جنية من شهر ودلوقتي غلي وسعرهواصبح ١٢٦٠ جنية. الاجانب بيكون تكلفتهم اعلى ٢٠٠ او ٣٠٠ جنية تقريبا.
٣- الاوراق المطلوبة جواز السفر او صورته وتكلفة الاختبار طبعا، والمعامل الخاصة احيانا بتطلب صورة شخصية.
٤- التحليل بيتعمل قبل السفر ب٩٦ ساعة، يعني لو مسافر الخميس، تروح تعمله يوم الاثنين. وانت داخل تعمله بيسألك مسافر يوم ايه علشان يتأكد انه ينفع تعمله دلوقتي.
٥- المعامل المركزية شغالين طوال ايام الاسبوع من ٩ لحد ٥ بيعملوا تحاليل، ويوم الجمعة نص يوم لحد الساعة ١ ظهرا.
٦- كل واحد داخل يعمل تحليل بياخد رقم وينتظر دوره في مكان انتظار بالداخل. الصبح بدري بيكون زحمة اوي، روحوا بعد الضهر ويوم الجمعة بيكون فاضي اوي بدون زحام.
٧- الاستلام بيكون بعدها ب٢٤ ساعة، تاني يوم بداية من الساعة ١١ صباحا. روحوا الساعة ٤ او ٥ كدة بتكون الدنيا فاضية. كنت بتاخد شهادة ملونة متغلفة بلاستيك، دلوقتى من كتر الضغط بقت ورقة A4 مطبوعة ومختومة وخلاص.
٨- مش لازم تروح بنفسك تستلم النتيجة، لو مسافر مع اسرتك او صحابك، ممكن اي حد يستلم النتيجة بالنيابة عن الباقي. المهم الس رايح يكون معاه اصل الايصالات.
٩- بلاش تتأخر في عمل مسحة ال PCR قبل السفر بيومين علشان يكون عندك وقت لو اطلب تعمل مسحة اخرى، يعني ايه؟ قبل سفرية لبنان الشهر الي فات، طلعلي * عينة مجانية Restest* - روحت عملت مسحة مرة اخرى علشان ما عرفوش يحددوا سلبي ولا ايجابي من اول مرة. او لا قدر الله لو عملتها وطلعت ايجابي، يكون عندك وقتوت تلغي تذكرة الطيران بغرامة قليلة (الغاء الطيران قبل السفر ب٢٤ ساعة مكلف اكتر)
١٠- واخيرا احب اطمنك ان مسحة ال PCR تااااافهة جدااااااا ومش بتوجع ولا مؤلمة ولا اي تهويل من بتاع بوستات الفيسبوك. قطنة ودان طويلة شوية في الفم والانف. شكة الابرة بتوجع اكتر منها والله.
ان شاءالله كلكم تطلعوا نيجاتيف وتسافروا خارج البلاد قريبا ... عندنا رحلات لبنان وزنزبار في سبتمبر وقريبا بلاد كتيرة.