كتابــــــــة رغبات الثانوية العامة 2021 ✅

المقال دا طويل شويــة بس فى كل التفاصيل عن كتابه الرغبات + التوزيع الجغرافي والإقليمي لازم لازم تبص على المقال دا علشان تعرف تكتب رغباتك

المقال دا هيمشى مع ال 3 مراحل للتنسيق مش الأولى فقط 🤔

أول خطوه هعرف إزى أنا تبع المرحله الأولى ولا لا ؟

قبل بداية المرحلة الأولى هينزل منشور رسمى من الوزاره بالحد الأدنى للمرحله الأولى لكل شبعة لو مجموعك داخل فى المرحله يبقى من حقك تدخل تنسيق المرحله الأولى غير كدا هتنتظر التانية ✅

كتابــــــــــــــــــــــــــــــــــة الرغبات 👏

1- هتدخل على الموقع الخاص بالتنسيق لما الموقع يفتح رابط الموقع اهو

https://tansik.egypt.gov.eg/application/Certificates/Thanwy/defaultThanwy.aspx
شكل الموقع لما المرحلة الأولى تفتح هيبقى كدا ( صوره رقم 1 )

2- بعد كدا هتضغط على ( الدخول للصفحه ) هتظهرلك ( صوره رقم 2 )

البيانات كلها وأضحه فى الصورة دا ماعدا الرقم السري فى ناس ممكن متعرفش هو فين !!!!
هتلاقى الرقم السرى موجود فى استمارة النجاح اللى أنت جايبها من المدرسة ( شوف صوره رقم 3 )

3- بعد ماتضغط على الخطوه التالية هتدخل صفحة جديدة

لو أنت اول مره تدخل تكتب الرغبات هتظهرلك الصوره رقم ( 4 )
هتتاكد من البيانات بتاعتك عادى وبعدين تدخل على الخطوه التالية
اما اذا كنت كتب رغباتك

وعايز تعدلها هتظهرلك ( صوره رقم 5 )

تنوية 📢 كتابة الرغبات بتستمر 3 أيام يحق للطالب تعديل الرغبات خلال ال 3 أيام عند التعديل هتظهرلك صوره رقم ( 5 )

4- بعد ماتضغط على الخطوه التالية هتظهرلك صوره لو ضعت على التخصص زى صوره رقم ( 6 )

استعراض كل الكليات أو المعاهد المندرجة تحت التخصص يعنى كليات علمى رياضه مثلا هتظهرلك زى صوره رقم ( 7 )

او لو ضغطت
الاختيار بالجامعات، ثم استعراض كل الكليات المندرجة تحت الجامعة. زى صوره رقم ( 8 )

كدا يبقى أنا حدد طريقه اضافه الكليات أما بالتخصص وتظهرلى كل الكليات الخاصه بالشعبة بتاعتى فى كل جامعة

او عن طريق الجامعة وأنا أضيف الكليه فى الجامعة ثم اغير الجامعة واختر الكليه وهكذا

الأفضل اختار التخصص وريح دماغك 📢📢📢( الخلاصه يعنى )

ركز بقى فى اللى جاى
قدامى 70 رغبه أو اكتر لازم اكتبهم السوال هنا هتكتبهم أزى !! 🧐
هنكتب الرغبات طبقا للتوزيع الجغرافي ودا لنك هيفهمك كل حرف فى التوزيع الجغرافي
https://tansik.egypt.gov.eg/application/dalel/4-1.htm
مثال أنا طالب من القاهره وعايز اكتب أول رغبه عندى حاسبات ومعلومات
يبقى أبص للتوزيع الجغرافى اللى هو بيقولى لازم تكتب
لازم تكتب مجموعة ( أ ) الأول ثم مجموعة ( ب )
هتفهم يعنى أى مجموعة أ و ب من لنك التوزيع الجغرافى اللى فوق دا 👆
يكتب هتكتب كدا بالترتيب
1- حاسبات ومعلومات القاهره
2- حاسبات ومعلومات عين شمس
3- حاسبات ومعلومات حلوان
4- حاسبات ومعلومات بنها
5- حاسبات ومعلومات الفيوم
وبعد كدا باقى المحافظات حاسبات ومعلومات من الأقرب للأبعد أى حاجة غير كدا الموقع هيقولك خطأ فى التوزيع الجغرافى زى صوره رقم ( 8 )
ودى برضوا تفاصيل التوزيع الأقليمى الكليات اللى مش موجوده اللى فى محافظات معينه اقدر ادخل اى فيهم الرابط دا هيوضحلك
https://tansik.egypt.gov.eg/application/Dalel/4-3.htm

بعد حاسبات ومعلومات تدخل على الكليه اللى عايزه التانيه فى مجموعة أ الاول ثم ب ثم باقى المحافظات وهكذا لحد ماتكمل كل الرغبات

5- بعد ماتضغط الخطوه التالية هتظهرلك الصوره رقم ( 10 )
هتتاكد من بياناتك ثم تضغط تسجيل

6- هتظهرلك صوره أخيره بالتسجيل بتاعك وبياناتك الأفضل ان تطبعها وتخلى صوره منها معاك الافضل يعنى

وبكدا يابطل أنت سجلت رغبات وفى انتظر نتيجة التنسيق بعدها باسبوع علشان نقولك مبروك تم قبولك فى الكليه كذا <3
بالتوفيق للجميع <