حاجات لازم تعرفها قبل ما تسكن في 6 أكتوبر

مدينة 6 اكتوبر – 6 حاجات لازم تعرفها قبل متعيش في 6 أكتوبر

موقع مدينة 6 اكتوبر المتميز في غرب القاهرة على بعد 38 كم فقط من وسط البلد،  بيضمن للسكًان الراحة والهدوء والخصوصية، والتوزيع المتميز للخدمات داخل كل حي بحيث أن كل أنت محتاجه من سلع أساسية هتلاقيه على بعد خطوات منك، والمساحات الخضراء قدام كل بيت أو عمارة والشوارع الواسعة وأماكن الركن المخصوصة، كل ده بيخلي 6 أكتوبر مدينة مثالية. وايه كمان؟

1. هتعيش الحياة الأوروبية على أرض مصرية

اللي بيميز مدينة 6 أكتوبر هو أن الحياة هناك بتجمع ما بين حيوية وسط البلد وهدوء أوروبا، يعني ايه؟

يعني الحياة هناك شبه الحياة في الريف الأوروبي بهدوء شوارعها وأحيائها السكنية لأنها مزيج من الخضرة والهدوء والتحضر في نفس الوقت.

بس ده مش معناه انك هتنعزل عن وسائل الخدمات المختلفة وانت مستمتع بنوع الحياة دي، لأن من أكتر الحاجات اللي بتميز مدينه 6 اكتوبر بمصر هي معالم الحياة المصرية فيها بحيويتها وأسلوب الحياة العفوي فيها. ويمكن دي الحاجة اللي بتخلي أغلب العرب يفضلوا يعيشوا فيها عن أي مكان تاني.  

 اختيارات الحياة المختلفة في المدينة 

تسكن في قلب الحدث ولا بعيد عن الدوشة؟

كتير من الناس بتعتبر ٦ اكتوبر واحدة من أجمل المدن الجديدة اللي اتنفذت على أرض مصر، علشان أياً كان اللي انت بتدور عليه هتلاقيه فيها، سواء بتحب الهدوء أو الحيوية، هتستمتع بحياتك في المدينة دي. وده لأن كل حاجة في المدينة محطوطة في مكانها الصح، عايز تعرف إزاي؟

يعني لو أنت بتحب أن المحلات كلها تبقى جنب بعضها: مطاعم وكافيهات ومحلات لبس والكترونيات والدنيا تبقى طول الوقت حيوية وصاحية هتلاقي ده هناك في مناطق زي: الحصري والحي الأول والثاني ومنطقة الأردنية في الحي السابع.

ولو أنت من الناس اللي بتحب الهدوء ولو هتخرج في مكان يبقى الدنيا حواليك رايقة وهادية وعلى الساعة 10 يبقى المكان هادي هتلاقي ده في: المجمعات السكنية وفي المنطقة السياحية أو الحي المتميز. 

طبعًا مش دي بس الاختيارات، لو بتحددك ميزانية معينة

أيًا كانت ميزانيتك هتعرف تلاقي البيت اللي يناسبك في 6 أكتوبر بين عقارات 6 اكتوبر

لو ميزانيتك ما بين 400,000 إلى 800,000 جنيه، هتلاقي أحسن شقق معروضة للبيع في 6 أكتوبر في الأحياء دي:

الحي الثاني – الحي الثالث – الحي الرابع – الحي الخامس – الحي السابع – الحي الثامن – الحي المتميز – مدينة الفردوس – التوسعات الشمالية – منطقة الشماليات – وصلة دهشور الجنوبية – كمبوند هرم سيتي –  – كمبوند دجلة بالمز – جولف ريزيدنس.

ميزانيتك أعلى شوية وصلت ل 1,300,000 جنيه، هتلاقي اللي حلوة أوي في الأماكن دي:

الحي الأول- الحي التاسع – الحي الحادي عشر حي البشاير – – المنطقة السياحية الأولى – المنطقة السياحية الرابعة.

– كمبوند فاميلي لاند – كمبوند بيفرلي هيلز – كمبوند سدرة – كمبوند طيبة جاردنز – كمبوند واحة المهندسين – كمبوند الريهام – كمبوند يوتوبيا.

كمبوندات تانية كتير وأحياء سكنية مشهورة لو بتدور على زي:

بالم هليز – جولف فيوز – ماونتن فيو اكتوبر – بيتا جاردنز – بيراميدز هايتس

 لما تعيش في 6 أكتوبر مش هتحتاج تخرج منها

أي حد بيعيش في مدينة اكتوبر بيكون مرتبط جداً بيها لأن بيحس أنه مش محتاج يخرج منها إلا علشان الزيارات العائلية والاجتماعيات. كل حاجة جنبك في مكان واحد: بيتك وشغلك ومدارس أولادك وجامعاتهم وكمان أماكن الفسح والخروج سواء ملاهي أو مول أو سينما .. زي إيه؟

 المدارس

المدرسة الدولية البريطانية بالقاهرة – إيكول فرانكو سيتي – المدرسة الملكية الدولية – مدارس الرؤية الجديدة الدولية – مدارس بايونيرز للغات – مدارس جيل 2000 للغات – مدارس النيل – مدرسة طيبة الدولية – مدرسة رويال هاوس – المدارس المصرية الرائدة للغات – مدارس أكتوبر للغات – مدرسة أم المؤمنين للغات – سمارت سكول – مدارس أكتوبر للغات – مدارس آل رواي الخاصة – مدارس نفرتاري الدولية.

 الجامعات

جامعة 6 اكتوبر الخاصة – المعهد العالي للهندسة بمدينة 6 أكتوبر – جامعة النيل – مدينة زويل العالمية – أكاديمية أخبار اليوم – جامعة مصر للعلوم والتكنولوجيا في مدينة 6 اكتوبر – جامعة الأهرام الكندية – أكاديمية قناة الإشراق – مدينة الثقافة والعلوم – المعهد العالى للسياحة والفنادق 6 أكتوبر – الأكاديمية الدولية للهندسة وعلوم الإعلام.

المستشفيات

مستشفى سعاد كفافي – مستشفى الوادي- مركز طبيب – مستشفى دار الفؤاد – مستشفى الزهور 6 اكتوبر – مستشفى جامعة 6 اكتوبر – مستشفى الصفوة اكتوبر – مستشفى دار العيون.

الشوبينج

مول العرب في المنطقة السياحية – مول مصر على طريق الواحات – داندي مول على طريق مصر اسكندرية الصحراوي – دايموند مول على المحور المركزي – سيتي سكيب في الحي الخامس – دولفين مول في الحي السابع.

ولو بتستمتع “بالشوبينج” بس بتشيل هم هتدفع اد ايه، “الشوبينج” في مدينة 6 اكتوبر مختلف عن أي مكان تاني! وده بسبب منافذ بيع مصانع الملابس في 6 اكتوبر. يعني ايه؟

يعني في محلات ومولات كتير في 6 اكتوبر زي ما قلنا بس الأسعار فيهم ممكن تبقى عالية لأن بيكون فيها ماركات عالمية.

بس اللي بيميز المدينة عن أي مكان تاني أن أنت ممكن تشتري لبس ماركات وبسعر أقل من سعر المحلات اللي في المول من “منطقة المصانع في 6 اكتوبر” اللي بيكون فيها كل منافذ البيع اللي بتوزع على الماركات دي زي: دانيال هشتر ونايكي وأديداس وبريمودا ودالي درس، وكونكريت،…إلخ وبنص السعر تقريبًا.

أماكن الترفيه

سكان مصر من كل المناطق بيدوروا على اماكن ترفيهية في 6 اكتوبر لأنها مركز الترفيه الأول، فيها كل وسائل الاستمتاع، زي أيه؟

دريم بارك – كريزي ووتر – سكيت ماكس – ملاهي بيلي بيز – أدرينالين بارك –  بيت الرعب – ألعاب الهروب زي” ذا رووم – The Room” – بينت بول Paint Ball – دولفين بارك – نادي دريم لاند بيراميدز – بيلي بييز داخل مول العرب – تنس هاب – مدينة الإنتاج الإعلامى – كيدز تاون.

وطبعاً عايز تدخل سينما؟ يعني عايز تروح مدينة 6 اكتوبر..

لأن فيها: آيماكس في أمريكانا بلاز – سينما بلازا – جلاكسي سينبلكس في مول العرب – سيتي ماكس – سينما دريم لاند – سينما داندي مول – سينما فوكس جولد في مول مصر.

النوادي الرياضية

نادي 6 اكتوبر – نادي الاعلاميين الرياضي – نادي المهندسين – نادي وادي دجلة – نادي أجياد للفروسية – نادي الأشجار – نادي بالم هيلز.

المطاعم

لو انت أكيل وبتحب دايماً تجرب أكلات غريبة، يبقى هتستمتع جداً في المدينة دي!  6اكتوبر يعني المطاعم السورية والأكل السوري الأصلي اللي مش هتلاقيه في أي مكان تاني بالجودة دي وفيه أكلات كتير بتشتهر بيها بالذات في مناطق الحصري والأردنية زي:

فتة الشاورما من روستو – الشاورما العربي من بركات – اليبرق من ست الشام – الشوربة من مطعم أبو علي الشامي – الكنافة النابلسية من النجمة النابلسية – الأكل البيتي من “أبو خالد 6 اكتوبر” واللي عنوانه في: مركز هنيده، مجمع الامريكية، مربع الحصرى.

ومش بس الأكل السوري هو اللي مميز في المدينة.. يعني لو أنت زي أي مصري أصيل لازم كل خروجة معاها أكله حلوة يبقى أهم حاجة لازم نقولك عليها هي مطاعم 6 اكتوبر الجامدة!

علشان كده جمعنا لك قائمة بأحلى المطاعم في 6 اكتوبر وعناوينهم علشان تقدر تستمتع بيهم في كل وقت.

عايز توصل أي مكان في مصر بسهولة ومتبقاش محبوس جوه مدينتك؟ يبقى ستة اكتوبر مناسبة جداً ليك.

مع إن المدينة بعيدة عن زحمة ودوشة وسط البلد لكن لو عاوز تروح أي مكان برة مدينة 6 اكتوبر، هتوصل بسرعة لأن على حدودها أكبر 3 طرق رئيسية بتوصلك لأبعد الأمكان في مصر وهم: طريق اسكندرية الصحراوي والدائري والمحور غير طريق الواحات وطريق الفيوم.

الحياة في 6 أكتوبر مش غالية لأن كل حي من الأحياء في  مركز خدمات خاص به من أول فرن العيش وسوق الخضار لغاية السوبر ماركت والصيدليات ومراكز الطباعة. ده غير ان أغلب المجاورات بيكون فيها سنتر فيه كل المستلزمات اللي بيحتاجها اي بيت وفيه كهربائي وخياط ومكتبات، يعني كل الخدمات اللي ممكن أي حد يسأل عنها هيلاقيها في السنتر ده.

وكمان فيها مواصلات بتودي لكل مكان في مصر: المهندسين والزمالك ووسط البلد ومدينة نصر ومصر الجديدة والمعادي والتجمع الخامس. وده لأن كل الطرق بتؤدي إلى 6 أكتوبر.